Liwar, Oknum Kapala Sakulah di Gunung Timang Purun Banar “Mambabam” Muridnya Saurang

MUATA TEWEH (TABIRkota) – Dasar liwar kapapurunan si K (53), oknum Kapala Sakulah di Kacamatan Gunung Timang, Kabupaten Barito Utara (Barut), Kalimantan Tangah (Kalteng), maka “mambabam” muridnya saurang.

Ujar Kepala Unit PPA Polres Barut, AipdaTatang Ruhiyat, kalakuan maniniwah oknum Kapala Sakulah tu ti hanyar katahuan pas 21 November nang lalu.

“Korban, sambat haja Bunga (15), “dibabam” matan masih sakulah di SD, wayah masih baumur 10 tahun,” ujar sidin di Muara Teweh, ibu kota Barut, Salasa (30/11) samalam.

Kabalujuran, ada acil korban nang curiga ada nangapa-ngapa, pas sidin tabaca hinpun (talipun ganggam, red) si Bunga.

Di hinpun tu ti, tabaca si mamarina Bunga pamandiran nang mambawi wan mambisai korban supaya hakun bahubungan nang kaya urang dua laki bini.

“Takajut ai si acil nginih, lalu bubuhan kulawarga Bunga mambisai korban supaya hakun bakisah, pas kaahirannya, katahuan sakalinya nang mangirim pasan di hinpun tu ti iya oknum Kapala Sakulah,” Aipda Tatang mangisahakan.

Pas wayah nintu pang, lalu tabungkar barataan kalakuan oknum Kapala Sakulah tu ti nang sudah “mambabam” Bunga tumatan inya sakulah SD pas 2017, batarusan sampai wayahini pas korban sudah sakulah SMP.

“Oknum Kapala Sakulah tu ti sudah mangaku. Jadi wayahini, nang basangkutan wan barang bukti sudah jua kita amanakan,” sidin manambahi.

Kajadian kalakuan maniniwah wan kada pintar oknum Kapala Sakulah tu ti, labar am, kana Pasal 81 Jo 82 UU Nomor 17 tahun 2016 tantang Penetapan Peraturan Pemerintah Pengganti Undang-undang No 1 tahun 2016 tantang Perubahan kadua atas Undang-undang 23 tahun 2002 tantang Perlindungan Anak nang diancam hukuman panjara paling lawas lima walas tahun. (zda)

Silahkan Bagikan / Share :

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Siaga Banjir dan Tingkatkan Stabilitas Kamtibmas, Polres Tabalong Gelar Latpraops Bina Karuna Intan

Kam Des 2 , 2021
TANJUNG (TABIRkota) – Polres Tabalong menggelar Latihan Pra Operasi Kewilayahan (Latpraops ) Bina Karuna Intan tahun 2021 dalam rangka kesiap siagaan menghadapi bencana banjir serta peningkatan stabilitas keamanan dan ketertiban masyarakat (Kamtibmas). Kapolres Tabalong, AKBP Riza Muttaqin melalui  Kabag Ops Polres Tabalong, AKP Hendra Sumala Sartio mengatakan, Latpraops Bina Karuna […]

You May Like