Malaran, UMK Tabalong Pacang Naik 0,96 Parsin

TANJUNG (TABIRkota) – Upah Mininum Kabupaten (UMP) di Kabupaten Tabalong pacangan banaik sabanyak 0,96 parsin.

Ujar Kapala Bidang Hubungan Industrial dan Jaminan Sosial, Dinas Ketenagakerjaan (Disnaker) Tabalong, Faisal Rahman, UMK tu ti dinaikakan tahun dudi, 2022.

“Lamunnya dirupiahakan UMK tu ti banaik sabanyak Rp 28.597,41, jadinya UMK Tabalong tahun dudi tu jumlahnya jadi Rp 3.001.230,04,” ujar sidin di Tanjung, Jumahat (26/11) tadi.

Tagal ujar sidin, kanaikan UMK tu ti masih tahap rikumindasi hasil rapat Dewan Pengupahan.

“Kaina hanyar kita minta wan Bupati Tabalong supaya sidin marekomendasiakan lawan Hubnur, supaya kawa dipastiakan jadi Kaputusan Gubernur,” ujar sidin.

Limbah tu sidin manambahakan pulang, bahwa sasuai wan katantuan PP Nomor 36 tahun 2021 parihal Pengupahan, UMK pacang ditarbitakan salawas lawasnya tanggal 30 November 2021 kaina.

“Insyaa Allah pas harian nintu (30 November, red) pacang sudah ada Surat Kaputusan dari Hubnur,” ujar sidin manambahi.

UMK tu ti kainanya pacang dibarlakuakan gasan bubuhan nang bagawinya satahun ka bawah. (zda/RA)

Post Views : 205

Silahkan Bagikan / Share :

Adi Obat yang Ogah Istirahat

Sab Nov 27 , 2021

“AMUN nang “anu” tu kada mau “anu” ngini ubatnya (Kalau yang “anu” tuh tidak mau “anu”, ini dia obatnya),” Kalimat menggelitik itu terdengar cukup nyaring dari sebuah pengeras suara. Membuat para pengunjung Pasar Jumahat Bagambir, Desa Bamban Utara, Kecamatan Angkinang, Kabupaten Hulu Sungai Selatan (HSS), tertarik untuk paling tidak menengok […]